1.A lustige Eicht, hat dá Herrgott selm gweicht,
selm g'weicht und selm g'segnt, Ruck in Huat, wanns´ dá gengt
2. Und a lustige Stund, dö haum-mn ma hiazt und
san gmiatli beinand, griaß enk Gott alle mitanand!
3. Und a frische Maß Bier hat an Foam an weiß'n,
und heut gehn ma net hoam, bis' uns außi schmeißn!
4. Und schmeißns uns außi, oft gehn ma halt hoam
und legn uns ins Bett, oba g'frein tuats uns net!
5. Und schmeißns uns außi, so sei's in Gott's Nam',
zweg'n dem kemma morg'n alle frisch wieder z'samm.