Und wånns amål schen aper wird
und auf die Ålmen gran,
wånn der Goaßer mit den Goaßlen geht
und d'Sennrin mit die Kiah.
Hu-la-jo-i-ri, dul-jo-i-ri,
jo-i-ri- dul-jo-i-ri,
jo-i-ri-dul-jo-i-ri,
jo-i-ri-dul-jo.
Die Sennrin führt ihr frischer Muat
schnurgråd der Ålma zua,
sie sagt: "Juchhe, mir geht's scho guat,
wånn kimmst das erschtmal Bua?"
Und wiar i auf die Ålma kimm,
do brummelt scho der Stier,
do siach i scho die Hittn steh'n
und jauchz vor ihrer Tür.