Z'nachst hat mir mei Dirndl
A Brieferl zuag'schrieb'n,
zweng was i denn bei der Nacht
Gar nimma kimm,
san die Stieflsohln hin,
weil i gar nimma kimm.
zwegn dem tralala hops- do-da-ro.
2. Hab's Brieferl aufg'macht
und mei Herzerl hat glacht,
i mach mi glei furt bei
der stockfinstern Nacht.
Des Herz hat mir g'lacht
bei der stockfinstern Nacht,
zweng dem tralala hops- do-da-ro.
3.Eiskalt geht da Wind
und die Stiefel warn g'frert,
wia geh' is denn an,
das der Bauer nix hört?
die Stiefel warn g'frert,
das der Bauer nix hört.
zweng dem tralala hops- do-da-ro.
4. Da fang i beim Fenster
a Gräuspiwerk an,
des Dirndl hat's g'hört,
hat ma s'Fenster auftoan,
"Steig eina zu mir
du woaßt ja schon wia!"
zweng dem tralala hops- do-da-ro.
5.Und wia i kam drin
bei mein Dirnd'l bin g'wen,
da kimmt ma der Bauer
mit'n Ochsen-zein zwegn,
schaut drein ganz verwegn,
mit'n Ochsen-zein zwegn,
zweng dem tralala hops- do-da-ro.
6. Da gibt mir mei Dirndl
gar schleunigst den Rat;
"Beim Fenster muasst aussi,
bei der Tür is scho z'spat!"
Schen Dank für den Rat,
bei der Tür is scho s'spat.
zweng dem tralala hops- do-da-ro.
7. Und wir i beim Fenster
bin aussi krocha,
da is mir der Fensterstock
nåcher brocha.
War net zum Låcher,
is mir nåcher brocha
zweng dem tralala hops- do-da-ro.
8.Då schreit glei der Bauer:
"Geh Hial ho, ho!
Geh låss mir do bitt sche
den Fensterstock da,
du kannst'n net braucha
und mir geht er å!
zweng dem tralala hops- do-da-ro.
9. I liassn scho da,
wenn i drausschliafn kunnt,
du damischer Bauer,
er war dir vergunnt,
ja er war dir vergunnt,
der oachane Hund,
zweng dem tralala hops- do-da-ro.
10. Des sakrische Fensterln,
ja des woaß i g'wiss,
wann i hundert Jahr leb,
dass i des net vergiss,
das is des net vergiss,
wia's ma då ganga is!
zweng dem tralala hops- do-da-ro.