Jå unsre Brauereien die hab'n a jung's Bier,
wannst zwanz'g Halbe trinkst,
nochand z'reisst's di scho schier.
Bei der Nacht a fünf-sechmal muasst aussa vom Bett,
jå då muass oana hin werd'n
ob er will oder net.
Und wånn oana heirat a ganz junge Frau;
beim Tag muaß er hackln, dass er schwitzt wia a Sau,
und wenn er dann hoamkimmt, is koa Fried no im Bett,
ja da muaß oana hi werdn, ob er will oder net!
Wann oana ins Büro geht, um halba neini vormittag,
des muass oana sei, der die Årbeit net mag.
Zum Zeitvertreib nimmt er si die neueste mit,
ja der muass a hin werd'n ob er will oder net.
Wenn oana zum Deandl ans Kammerfensterl geht,
und a drei, a vier Stund auf da Loata drobn steht,
daß eahm d’Ohrwaschl zsammfriern als wia a Drumm Brett,
ja, da muaß oana hi werdn, ob er will oder net.“