1.) Da Låhnsåttler Holzknecht is a lustiger Bua,
er årbat recht fleißi und singt brav dazua,
[:und wånn er auf d’Nåcht bei da Hitt’n tuat sein,
beim kocha då lulezt (jodelt) er fein.:]
2.) Da Låhnsåttler Holzknecht håt mitn schwoagngeh’n
sei Freid’,
koa Berg is eahm z’hoch und koa Weg is eahm
z’weit,
[:und wånn er auf d’Nåcht bei da Schwoagarin is,
beim kocha då lulezt er g’wiss.:]
3.) Da Låhnsåttler Holzknecht drei Stund hinter Zell,
båld håt er koa Schmålz und båld håt er koa Mehl,
[:er woas si nix z’kafa, er woas si nix z’kriagn,
drum geht er hålt ållwei hausiern.:]