.
Hiatz bin i wiederum dahin,
dahoam is koa bleib’n nit für mi.
Wås war den mei lediga Stand,
traurig sein dås war a Schånd,
[:traurig sein kånn i åll’ Zeit
und dås Ålmgehn war längst scho mei Freid,
bei da schen Frühlingszeit:]
2.) D’rum geh’ i hålt aufi auf d’Ålm,
schau, schau wia ma da Sennerin gfåln.
Die Sennerin sitzt vor da Tür,
schau, schau wia sche grås’n de Küah,
[:sie singt ma a Liadl voll Freid,
das da Håll übers Gschwänd außigeit*
*(=Felswände hinausgellt)
wo da Kuckuck sche schreit:]
3.) Hiatz gehma hoit eini in d’Hitt’,
wia freindli håts då wida g’redt.
Mia sitzn uns zåm aufm Herd,
de Unterhåltung håt a nit lång g’währt,
[: des Kocha wår a scho wås ålt’s,
sie schlågt ma sechs Oa in a Schmålz,
das ma stårk san zan Pfålz :]
4.) D’rauf gehma dånn eini ins Bett,
wia freindli håts då wida g’redt.
Mia drahn uns båld hin und båld her,
des g’fållt hålt da Sennerin vü mehr,
[: und ållerloa Spoass håma g’måcht
und auf oans, zwoa håts Bettstadl kråcht,
bis da Tåg aufalåcht :]
5.) Auf da Ålm is gånz ånders mei Bua,
då kånnst d’Hosn aufhänga mit Ruah.
Då kraht (schert) si koa Hund und koa Hahn,
kånnst ållweil dazua und davon,
[: åba neta um oans muaßt di krah‘n,
wånn da Tåg aufageht muaßt di drahn,
dast (damit) nit z’påt kimmst zan mah’n :]