Am Sunntåg is Scheiflinger Kirtag, då kemman d'Tabakraucher zsåmm.
Sie gengan net eini in d'Kircha, die Predigt die dauert vü z'lang.
Und wann di Predigt tuat endn, håt jeder sei Pfeiferl in Händen.
åft stengansund stehngans halt wutzlweis zsåmm, bis ålle a Tabakfeuer håb'n.
so mancher stoaoide Tattl, der rauchat hålt a an Tabak.
S'war gscheiter, er essat a Bratl, stått dass er Tabakraucha tat.
Um's Röhrl, då håt er an Wutzl, då tuat er so süaß außa zuzln.
Er lutzlt und zutzlt åls wia a kloans Kind, wånn a lång scho in da Pfeifn nix brinnt.
So måncher junge Rotzlecker, der rauchat hålt a an Tabak.
Er moant hålt, er war scho vui größer, wånn er a Tabakrauchn tat.
So måncher will es wohl laugna, er rauchert jå nur z'weng de Augna.
åber jungerweis, jungerweis fången sie's ån, und ålterweis rauchen's aus Gwohn.