Drei Berg und drei Tål
Und drei Buam auf amol.
Oan liab i, oan fopp i,
Oan heirat i amol.
Hollari tuli jo,
Ridi-ri tu-li a ho
Ri tuli ri-a ha ho.
2. I werd di schon liab'n
åber sagn derfst das net,
Wann's d'Leut amol wissen,
dann mag i di net.
Hollari tuli jo, ...
3. A Schalerl Kaffee hebt das Herzerl
In d'Höh
Und a Bussal dazua,
Das is guat in der Fruah.
Hollari tuli jo, ...
4. Mei Biabal hat's Fieberl,
båld ålle drei Tag,
I schau ma um a Büabal,
des Fiabal nit håt.
Hollari tuli jo, ...
5. Jå mei Herz und dein Herz
San zsamma-bundn
Und a Schlüsserl dazua,
dös werd nimmer g'fundn.
Hollari tuli jo, ...