Fahr ma hoam von da Alma ins Tal
liegt da Reif vor da Hüttn in der Fruah schon allemal
und da Schneewind übern Kogel
wird scho rogl und blast
Tuar scho schneib'n her
s' is koan Bleib'n mehr
guat is, wann ma's verlasst.
Kranz ma auf, kranz ma auf unsre Kalma und Küah
s ganze Viech hin und hin voller Buschn und Zier
und dann scheppern alle Glockn
mit frohlockn wia mi ziemt
bim bam kling klang ja in Gott's Nam'
wann nur guat alls hoamkimmt.
's is a Freud, is a Freud für a Almdirn allemal
wann's na g'sund mit ihrn Viech
wieder hoamkimmt ins Tal
da werdn Krapfn aussa bacha
frei zan låcha is grad
lasst's den Brauch net åbkemma
war wohl denna z’Tod schåd.