1. Zwoa Schulbuam auf der Gass'n
seh'n a Frauenkäferl flieg'n.
Sagt der oane zu dem andern:
"Hörst, des Käferl muass ma kriag'n!"
Plötzlich hat's der oane g'fanga
tragt's zu seinem Spezi hin:
"Hearst, des Käferl müaß ma schicka
nach Maria-Brunn am Inn!"
|: Frauenkäferl, Frauenkäferl,
fliag nach Maria-Brunn.
Schick uns heute oder morgen
wieder recht a scheane Sunn! :|
2. Und am Grabe seiner Eltern
steht a kloaner Bua und weint.
"Könnt' ich euch noch einmal sehen,
ach, wie gut habt ihr's gemeint."
Plötzlich fliagt des Frauenkäferl
über's Grab der Eltern hin,
und mit wehmutsvollen Blicken
ruft er zu dem Käferl hin.
|: Frauenkäferl, Frauenkäferl,
fliag nach Maria-Brunn.
Schick uns heute oder morgen
wieder recht a scheane Sunn! :|